Goryo's Favorites

Interview with Goryo by IMBENTO magazine
Imbento: Bago natin umpisahan ang pagtatanong tungkol sa mga favorites mo, maari bang ibahagi mo sa amin kung ano para sayo ang buhay?
Goryo: Naniniwala ako sa sinasabi ng karamihan na ang buhay daw ay parang bato, it's HARD. Pero para sa akin, minsan para din itong bulak, it's SOFT.

Imbento: Ano ang favorite movie mo?
Goryo: Marami na akong napanuod na mga pelikula at ilan sa mga nagustuhan ko ay Batang-X, Juaquin Burdado, Petrang Kabayo, Anak ni Zuma at marami pang iba. Pero ang pinaka gusto ko sa lahat ay ang Huwag Mong Buhayin Ang Bangkay na ginanapan ni Jestoni Alarcon.

Imbento: Iniidulo mo ba si Jestoni Alarcon?
Goryo: Hindi ko idol si Jestoni pero mahusay ang pagkaganap niya sa buhay na bangkay. Hanggang ngayon inaantay ko na magkaroon ng sequel ang movie na yan, pero parang ayaw na nilang buhayin ang movie. Pinaplano ko na ngang sumulat sa Wish Ko Lang para i-wish na magkaroon ng Huwag Mong Buhayin Ang Bangkay Reloaded, yung mala-Matrix na bangkay na kayang gayahin ang kilos ni neo. Re-request ko din na magkaroon ng Batibot The Movie.

Imbento: Hahaha, bakit gusto mong magkaroon ng Batibot The Movie?
Goryo: Since hindi na nila maibalik yung show. Siguro mas-OK kung gumawa nalang sila ng movie na pwedeng ipasa from generation to generation.

Imbento: Bakit naman?
Goryo:Influential kasi ang mga characters ng show. Naniniwala ako na maraming tao ang naimpluwensyahan at nahubog dahil sa show na yan. Ang impluwensya ni manang bola kay madame Auring ay hindi maikakaila. Ang boses ni Kiko-Matsing ay nananalaytay at dumadaloy sa esophagus at vocal chords ni Renz Verano. Ang epekto ng pagbabasa ni Kapitan basa ay na-adopt ni Bro. Ely Soriano. At ang kadal-dalan ni Irma dal-dal ay na-absorb naman ni Cristy Permin at ni Lolit Solis. Ilan lamang sila sa napakaraming tao na nahubog dahil sa Batibot.

Imbento: Speaking of Batibot, ano ang pinakapaborito mong childrens' show nung bata ka?
Goryo: Mismo, Batibot nga. Hangang-hanga ako kay Kapitan Basa, hindi lamang sa galing nyang magbasa kundi sa galing niyang lumipad, para lang siyang bola ng table tennis na ibinato papalabas at papasok sa bintana. Nakakalungkot nga lang kasi wala na yung show na yun. Marami na siguro kasi ang nagbago. Malamang si Kuya Boji e Lolo Boji na, si Ate Shiena naman Lola shiena na siya. Kahapon galing lang ako sa barber shop at pinag-uusapan si Pong-pagong.

Imbento: What about Pong-pagong?
Goryo: Sabi nila ni-recruit na daw siya ng mga Ninja Turtles. Buti pa siya nakapag-abroad na. Good for him.

Imbento: Ano ang favorite color mo?
Goryo: Blue. Relaxing kasi and at the same time peaceful at puno ng buhay ang kulay na yan.

Imbento: Favorite food ni Goryo?
Goryo: Lahat naman na pwedeng kainin kinakain ko, wala akong pinipili. Pero technically sa tingin ko ang pinakapaborito ko talaga ay kanin. Kasi bata pa lang ako yan na kinakain ko tatlong beses araw-araw at hanggang ngayon di pa rin ako nagsasawa sa pagkaing yan.

Imbento: Favorite fruit?
Goryo: Nung bata ako, nagagandahan ako sa kasabihan na "An apple a day keeps the doctor away". Apple sana ang favorite ko, pero since hindi naman mayaman ang parents ko, kamote lang ang nakakayanan nila para sakin. Kaya lang - "A Kamote a day keeps people away". (Sabay utot...)

Imbento: Ganun ba? Ahh.. Uhhmmm... Sige magpapa-alam na kami. Ituloy nalang natin ang interview sa ibang araw.
Goryo: Wait, sandali lang...


To be continued...

Panalangin ni Isko

Aba Ginoong Puruntong, napupuno ka ng marsha,
Ang Donya Delilah ay sumasaiyo,
At sumasa-iyo din ang kanyang alagad na si matutina.
Bukod kang pinagpala ng babaeng lahad
Pinagpala din naman ang iyong anak na si sherly.
(Ha-mem)

Alpha-Sirah-Lho Fraternity

Nung ako ay bata pa marami na akong naririnig tungkol sa ganitong ka-grupohan. Hindi ko mawari kung ano ang mayroon sa mga organisasyong ganito dahil napakaraming sumasali gayung napakarami naman ang namamatay dahil sa hazing.


Maganda ang tunay na kahulugan ng fraternity. Ito raw ay samahang nagtataguyod sa pagkakapatiran, pagkakawang-gawa, pagkapantay-pantay, kalayaan at pagkakaisa.

Ang mga sumusunod ay mga kahulugan ng salitang fraternity:

1. a local or national organization of male students, primarily for social purposes
2. a group of persons associated by or as if by ties of brotherhood.
3. any group or class of persons having common purposes, interests, etc.: the medical fraternity.
4. an organization of laymen for religious or charitable purposes; sodality.
5. the quality of being brotherly; brotherhood: liberty, equality, and fraternity.
6. the relation of a brother or between brothers.

Bakit hindi natin makita ang kahulugan ng salitang fraternity sa mga ginagawa at aktibidades ng mga miyembro sa ganitong samahan?

Sa tuwing may ibabalita sa radyo o TV tungkol sa fraternity, itaga mo sa bato siguradong masama ito. Pwedeng may na-ospital dahil sa sobrang pagkabug-bog o minsan naman may nagahasa, at ang pinakamalu-phet sa lahat ay may namamatay. Nangyayari ito sa mga biktima dahil mismo sa mga kasamahan nila sa fraternity, dahil sa kanilang kinikilalang mga kapatid (nakup!!! - kapatid nga ba? lang-yang kapatid yan!!!). Naliligayahan kaya sila sa mga ganitong pangyayari?

Naniniwala ako na halos lahat ng myembro ng mga fraternities ay merong mga pamilyang nagisnan at malamang karamihan sa kanila ay may mga magulang at mga kapatid din naman. Wala pa naman akong narinig o nakitang mga magulang na nagsabi sa kanilang mga anak:

Oh mga anak kunin nyo na ang padel at mga paraphernalia natin sa pambubug-bog at nang mabug-bog na natin ang kapatid niyo hanggang sa maospital o hanggang mamatay siya para naman malaman niyang mahal natin siya at para mapatunayang karapat-dapat siyang maging myembro ng ating pamilya. Ang pamilya natin ay nagtataguyod ng kapayapaan, pagmamahal at kapatiran kaya't marapat na ganito ang gawin natin.

Lintek!!! Anak ka ng tinapang bakla!!! Masahol ka pa sa ulol na askal kung ganto ang pilosopiya mo, di ba? Napakalinaw; malinaw pa sa sikat ng haring-araw, na mga sira ulong ugok ang mga fraternity members na to, lalu na ang kanilang mga lider na nagpapatupad ng ganitong mga aktibidades.

Ano kayang uri ng pag-iisip meron ang mga hinayupak na mga ito? Saang planeta o galaxy kaya galing ang mga ispiritong sumanib sa mga dinamuhong unggoy na mga ito?

Kaya't kung may mga nanghihikayat sa inyong sumanib sa samahang ganito; maghunus-dili kayo... Marami na ang naospital at namatay dahil sa pagsali sa ganitong mga grupo. Kung gusto niyong mapabilang sa libo-libong nauto ng mga mga bilib sa sariling paddle monsters na to, go ahead and make their day, at nang pagpistahan kayo ng barbaric creatures na mga yan. Pero kung ako sa inyo mga repapips, gamitin niyo nalang ang God-given utak na meron kayo. Wala pang taong umunlad ang buhay at gumanda ang career at naging presidente ng kumpanya dahil sa pagsali sa samahan ng mga sira ulo. (Alpha-Sirah-Lho).

X-man

Panatang Makabakla
Iniibig ko ang Baklaran, aking lupang sinilangan
Tahanan ng aking lahi, pinu-pokpok ako at tinutuluan
Maging mahina, masiba at maharot
Dahil mahal ko ang Baklaran,
Diringgin ko ang payo ng mga magugulang,
Susundin ko ang tuntunin ng ka-parloran
Tutuparin ko ang gawain ng isang mamamayang makabakla,
Naglilingid, nag-jojokray at nang-hahada nang buong kakapalan.
Iaalay ko ang aking buhay, isipan, at kalulwa
Sa lugar ng kamunduhan.

Is this something we can laugh at, or something we need to think about?

The Destruction of Sodom and Gomorrah, John Martin, 1852.

Being a homosexual may not be a sin. Homosexual activities are the things that are morally unacceptable. These are the reasons why God sent two angels to destroy Sodom and Gomorrah.

With regard to the real design for humanity, what can we do to help people from deviating from the truth?

Please share your thoughts/comments about this.

Kaututang Blog Ni Goryo

Blog Roll

>> ablogslife
>> acongtatsulok
>> alkapon
>> Acrylique
>> BatangGala
>> blenda-ohmygums
>> Blogs Ng Pinoy
>> Bolex Ni William
>> cheilschikka
>> Chikka Blog
>> chocoffeemix
>> chooseTheHappiness
>> citus: ang awtor
>> coffeeChick
>> deejspeaks
>> dOLLxhiE DOLL
>> GoyOsAdvENtUrE
>> hang-out
>> hari ng sablay
>> Jag
>> jettro
>> JoIcE
>> kEbiSm
>> Lizz.....
>> MARK
>> mavie
>> meowdelarosa
>> miss.Guided
>> mushymish
>> my orange vest
>> naglalagab-BLOG!
>> ovahcoffee
>> pAnuLaT
>> papa-rosie
>> period : katoto
>> realpixgalore
>> shel16.blogspot.com
>> sounds-and-echoes
>> sprinkledmaple
>> Stick With You
>> tambay-tambayan
>> The COFFEE CHICK
>> thelostpiratekeko
>> thesecondrealm
>> veronism
>> UraGON
>> utak hangin

Quiz-tune... (Tanong)

Madalas marami tayong mga tanong na pilit nating hinahanapan ng kasagutan. Marahil may mga katanungan ang iba, na iba sa mga tanong na meron tayo, o maari din namang may mga katanungan tayong kapareho sa tanong ng iba.

May mga tanong na maaring masagot ora-mismo at may mga tanong din na mahirap hanapan ng agarang katugunan. Minsan ang mga katanungan nati'y umiikot nalang sa ating isipan, o kaya'y madalas ibinubulong na lamang sa hangin o sa sarili.

May mga tanong na mabababaw at tanong na malalalim. May mga tanong na pambata, pang-teen-ager, tanong na pang-matanda, tanong na pang-lasenggo, pang-adik, tanong na pang-banal, tanong na pang-inhenyero, pang-tindera, pang-abnormal, pang-normal, pang-pulis, pang-kriminal, pang-pulitiko, pang-buwaya at marami pang klase ng katanungang maaring iguhit sa utak ng tao. Ang mga tanong na ito ay ilan lamang sa mga dahilan kung bakit tayo nagpupursige sa maraming mga bagay. Kahit ano pa ang klase ng mga katanungang meron tayo, iisa lamang ang nais natin makuha mula sa mga ito, ito ay ang sapat at tamang kasagutan.

Ang mga sumusunod ay mga katanungang marahil ay kaya ninyong sagutin o maaring ang mga tanong na ito ay naitanong nyo na rin sa inyong sarili.

Bakit laging sabay ang mga mata natin kapag kumukurap?
Di ba pwedeng mauna ang isa at sumunod na lamang ung isa?

Bakit langgam ang ginamit sa Bibliya bilang simbolo ng kasipagan?
Ito na kaya ang pinakamasipag sa lahat ng nilalang?

Bakit karamihan ng tao ay kananete at hindi kaliwete?
Ano ba ang factor bakit nagiging kaliwete ang tao?

Ano kaya ang petsa at araw nung unang naluto ang kauna-unahang putahe ng pinakbet?
Sa Ilocos kaya ito naganap?

Bakit kaya umiilaw ang mga alitap-tap?
Ano kaya ang nagpapailaw sa mga ito?
May batirya at ilaw ba ang katawan ng mga ito?
Bat wala na akong nakikitang alitap-tap sa paligid?

Kung ang sakit na AIDS ay nakukuha sa dugo, maari kayang magka-AIDS ang mga lamok?
Kung hindi, maari din kayang maging kasangkapan sila sa pagtuklas sa lunas sa sakit na ito?

Ano kaya ang tagalog ng computer?
Kung wala, sino ang may karapatang lumikha ng salitang tagalog para dito?

Sa palagay nyo ba, maa-appreciate kaya ng tao ang kaligayan kung walang kalungkutan?
Mauunawaan kaya natin ang kahulugan ng kaligtasan kung walang kapahamakan?

Maiksi ba o mahaba ang buhay sa mundo pag umabot sa otsenta ang edad?
Gaano kahaba ang otsentang taon kumpara sa walang hanggan?

Ano kaya ang dahilan bakit humihikab ang tao maliban sa sinasabing antok?
May human adult na kaya ang hindi nakaranas ng pag-hikab sa tanang buhay nya?

Bakit hindi nalang dighay ang natural tendency ng katawan ng tao para maglabas ng Carbon dioxide?
Bakit kelangan pang umutot ng tao? (Jahe naman sa opis, sa nililigawan, sa party, sa loob ng fx at sa marami pang okasyon at pagkakataon)
Anong mas-gusto mo, yung utot na may tunog pero walang amoy o utot na may amoy pero walang tunog?

Bakit hanggang ngayon hindi pa natutuklasan ng siyensya kung saan talaga nagmula ang mundo at ang mga tao?
Bakit puro sila teyorya pagdating sa paksang ganito?

Kung kelangan ng oxygen para makalikha ng apoy, bakit umaapoy ang araw gayong walang oxygen sa space?
Bakit hindi nakukunsumo o humihina man lang ang apoy ng araw?

Bakit iba iba ang oras sa ibat ibang bahagi ng mundo sa iisang pagkakataon?
Bakit hindi nlang gawing iisa ang oras?

Maaari kayang hindi mangyari ang mga pangyayari na nakatakdang mangyari, at ang mga pangyayari na hindi nakatakdang mangyari ay mangyayari?
Ano kaya ang mangyayari kung magkakaganito ang mga pangyayari?

Bakit kaya may exchange gift pag Christmas?
Kelan ba ang totoong petsa ng pasko?

Kung ang buhay sa mundo ay may hangganan, ano ang pinakmainam na paraan para gamitin ang buhay?

Karamihan sa mga katanungang nabanggit ay may mga praktikal ng katugunan at kung kayo po ay may ibang katanungan o marahil ay mayroon kayong katugunan o pananaw sa mga katanungang inyong nabasa, ano pa man ito, ako poy nalulugod na makarinig mula sa inyo. Ilagay lamang po ang inyong kumento.